Hvað er lýðræði?

Gallarnir við að stækka álverið voru fleiri en kostirnir þannig að ég er nokkuð sáttur við þetta. Rosalegt að sjá samt hversu litlu munaði en meirihluti er alltaf meirihluti. 

Ég hef hinsvegar tekið eftir því að margir eru á móti þessu beina lýðræði og beita fyrir sér þeim rökum að "alvöru" sveitastjórnarmenn hefður bara ákveðið þetta sjálfir. Til þess væru þeir kosnir. 

Mikið innilega held ég að fólk sé fast í viðjum fulltrúalýðræðsins ef það talar svona. Það er kominn tími á að blanda saman fulltrúalýðræði og beinu lýðræði í auknum mæli.  Rousseau sagði að við værum þrælar þeirra sem við kysum til að taka ákvarðanir fyrir okkur og kannski að fólk ætti að fara í rækilega sjálfskoðun ef það telur sig ekki geta kosið um málefnið sjálft. Ég tel mig allavega fullfæran um það og væri til í að taka þátt í beinu lýðræði í auknu mæli. 

Um framkvæmd þessara tilteknu kosninga má svo deila. Þetta álver snerti fleiri en bara hafnfirðinga og því má spyrja sig hvort sanngjarnt hafi verið að þeir einir fengu að greiða atkvæði í þessu máli. Allavega veit ég um nokkra íbúa á suðurlandinu sem hefðu viljað taka ákvörðun um það hvort að sveitinni þeirra hefði verið sökkt undir virkjun til að knýja áfram stærra álver í Hafnarfirði. 

Hafnfirðingar höfnuðu stækkun álversins

Athugasemdir

[Elín Arna Ellertsdóttir, 1.4.2007 kl. 01:05]

Ég held nú að 76% kosningaþáttaka - sem er vel yfir því sem hún var í síðustu sveitarstjórnarkosningum í Hafnarfirði - hljóti að senda öllum andstæðingum þessarar kosningar sem slíkrar skýr skilaboð um það að fólk taldi sig hafa eitthvað um málið að segja.

Hinsvegar má alltaf deila um framkvæmdina. Þegar að Alcan hringir í mann persónulega kvöldið fyrir kosningar... ja, það var allavega alltaf augljóst hver var sterkari aðilinn. 

[Sigurður Viktor Úlfarsson, 1.4.2007 kl. 02:02]

Til þess að hægt hefði verið að virkja á Suðurlandi hefði væntanlega þurft breytingu á skipulagi sem sveitarstjórnir þar þurfa að taka afstöðu til.  Þeir hefðu því fengið sinn séns hefði komið til þess á annað borð.

[Hlöðver Ingi Gunnarsson, 7.4.2007 kl. 01:32]

bla bla bla bla

[Fannar frá Rifi, 11.4.2007 kl. 13:37]

Það var beint lýðræði sem varð Sókratesi að bana. Hann var drepinn af múginu sem snérist gegn honum. Múgæsingurinn varð til þess að menn greiddu atkvæði með dauðarefsinga og síðan var Sókrates, einn mesti hugsuður allra tíma tekinn af lífi með eitri til þess að svala lýðræðisþörfum Grikkja. Beint lýðræði er ekki endilega af hinu góða.